Aa  Aa  Aa 

Aa

Aa

Aa

 
Monday, February 08, 2016
 
 
 
 
 
 
 
 
 




Hier by Vredelust wil ons graag vir jou 'n geestelike tuiste skep, 'n plek waar jy God beter kan leer ken en met ander mense kan connect. Indien jy nuut is in die gemeente of dalk al 'n tydjie hier by ons kuier, wil ons jou uitnooi om 'n Connect Aand by te woon. Hier sal jy van ons personeel en ander nuwe mense ontmoet, meer inligting kry oor hoe om in te skakel en 'n lekker ete geniet.

Jy kan een van twee sulke geleenthede bywoon op Donderdag 11 of 18 Februarie om 18:30.

Registrasie is noodsaaklik, sodat ons kan gereed wees vir jou met iets om te eet.
Kontak asb vir Louise Honeyman, 021 950 4441 om jou plek te bespreek.
 
 

 

 
Emosionele vryheid is jou keuse! Maak die besluit om ontslae te raak van daardie onnodige emosionele bagasie wat jy saamsleep, of om ondersteuning te kry vir die moeilike situasies wat jy dalk tans deurgaan. Vier uitstekende genesingsprogramme begin eersdaags:

 

Travel Lite - begin 16 Feb (19:00-21:00) -  Almal het iewers in die lewe seergekry of is dalk teleurgestel deur mense wat hulle vertrou het. Die dinge uit jou verlede kan jou terughou en weerhou daarvan om in vryheid en met vreugde te lewe elke dag. Travel Lite sal jou help om ontslae te raak van al daardie emosionele bagasie uit jou verlede.

 

Grief & Loss - begin 16 Feb (19:00-21:00) - Om 'n geliefde aan die dood af te staan is 'n reuse ontnugtering wat jou hele wêreld tot stilstand kan ruk. Die Grief & Loss program wil jou help om hierdie verlies te verwerk en weer troos en nuwe sin in die lewe te vind.  

Divorce Care - begin 8 Feb (19:00-21:00) - Vind weer hoop en bou 'n nuwe lewe na 'n egskeiding of opbreek van 'n verhouding.  

 

Divorce Care for Kids (DC4K) - begin 8 Feb (19:00-21:00) - vir kinders tussen 4 en 12 jaar oud wat geraak word deur die egskeiding van hul ouers. Kinders woon die program by terwyl die ouer die volwasse program doen.

 

Navrae en inskrywings: Diedre Mans, 021 950 4463, diedre.mans@gmail.com 

   

 

Om 'n volgeling van Jesus te wees beteken om saam met ander mense te journey en deel van 'n geloofsgemeenskap te vorm. God het nooit bedoel dat ons as individue 'n verhouding in isolasie met Hom sal najaag nie, maar wel in verhouding met ander gelowiges. Waneer jy jou daaglikse lewe met ander deel, saam eet, saam gesels, saam bid, saam leer wat God wil hê, dit is waar groei plaasvind, waar genesing plaasvind, waar jy kan behoort en wees en lewe.

 

Huiskerke bied vir jou so 'n ruimte, 'n plek om te behoort en jou lewe met ander gelowiges te deel. Indien jy nog nie deel van so 'n groep is nie wil ons jou graag uitnooi om dit uit te probeer en sal jou help om 'n groep te vind waar jy sommer gou tuis sal voel en lekker kan inskakel.


Kontak gerus vir Clement Martin (082 977 8118) indien jy belangstel en hy sal alles vir jou reël. 

 
 


7 Maart 2016 – 29 Augustus 2016


DOEL van die Sertifikaatkursus

Hierdie nie-geakkrediteerde sertifikaatkursus is gebasseer op die studiemateriaal van Antioch School of Church Planting and Leadership Development en sal vir jou ‘n goeie gebalanseerde teologiese basis verskaf vir bediening vanuit die Christelike kerk.


Die kursus bestaan uit:

  •       Teologiese leeswerk (word verskaf, geen verdere materiaal hoef aangekoop te word nie)
  •        Klasbywoning (in die vorm van “socratic discussions”, klasse geskied op ‘n Maandagaand)
  •        Werksopdragte (weeklikse geskrewe werksopdragte wat ingehandig word vir evaluering)

 
Ons gaan op drie sleutel areas fokus:

  • Beginsels vir bediening vanuit die ontstaan en groei van die eerste gemeentes in Handelinge
  • Die gebruik van die Bybel as basis vir gesonde leerstelling
  • Oprig van leiers en die werk van bediening

 

Kostes beloop R200 p/m oor 6 maande (of R1000 eenmalig).

Vir navrae of inskrywings kontak Martin Coetzee, martin@churchadventure.co.za , 084 671 1004

 

 

 

 

 

 
 
 
 
Oor Vredelust
 

Hier by Vredelust wil ons 'n plek wees waar jy met God en met ander mense kan konnekteer. Ons is mense wat lief is vir Jesus en wat ware volgelinge van Hom wil wees.

Ons nooi jou uit om ons dienste op 'n Sondag by te woon en saam betrokke te raak in 'n eietydse bediening waar ons die hande en voete van Jesus in Kaapstad wil wees – asook in die hele Suidelike Afrika. Ons is immers deel van Afrika!

 
 
 
 
Dienstye
 

Kontemporêre Dienste: Ouditorium
Oggend: 08:30, 10:00
Aand: 18:00


   

Tienerdiens - VLEG: Aktiwiteitsentrum

18:00- 19:15

 
 
 
 
Kontak Ons
 

Adres: No 87, Dertiende Laan, Boston, Bellville 7530 (Agter Brights Hardware)

Telefoon: (021) 949-0096

Faks: (021) 949-5978

E-pos: info@churchadventure.co.za

 
 
 
 
Vredelust Gemeente Copyright 2010-2014 - Created by DWS